Nigeriyädä êtnik bäreleş

Könbatış Afrika däwläte Nigeriyanıñ Kross River töbägendä ike êtnik törkem arasında bulğan bäreleşlärdä 12 keşeneñ ğomere özelde, 18e yaralandı.  

Cirle matbuğattağı xäbärlärgä qarağanda, Êbom häm Usumutong qabiläläre arasında bulğan qanqoyğıç bäreleştä küp sanda yortlarğa ut törttelär. Ul tirädägelär qurqularınnan yäşägän cirlären taşlap kitte.

Kross River poliśiyä idaräse älege waqıyğanı rasladı, ämma ülüçelär sanı turında mäğ’lümat birmäde.

Töbäkkä iminlek köçläre cibärelgän häm xäl kontrol’ astına alınğan.   

Kross River töbägendä törkemnär arasında qayçaq cir öçen bäreleşülär bulıp ala. Uzğan yılda da anda küp keşeneñ ğomere özelde häm şaqtıy öy yandırıldı.