İzrailgä küçenüçelär

İzrail tözelgännän, yağ’ni 1948nçe yıldan birle anda başqa däwlätlärdän 3 million 300 meñ yähüd küçengän. Alarnıñ 43%ı 1990nçı yıldan soñğı çorda kilep urnaşqan. Bu xaqta İzrail üzäk statistika oyışması xäbär itä.

Ağımdağı yılnıñ 10 ayında İzrailgä 27 meñ 300 yähüd küçenep kilgän. Bu 2018nçe yılnıñ şul uq çorı belän çağıştırğanda 20%qa artıq.

2018nçe yıl başındağı räsmi sannarğa qarağanda, dön’ya külämendä 14 million 700 meñ yähüd bar. Alarnıñ 6 million yarımı İzraildä, 5 million 700 meñe Amerika Quşma Ştatlarında, qalğannarı törle illärdä çäçelep yäşi.

İzrail teläsä-qaysı däwlättä yäşäwçe yähüdkä küçenep kilü xoquqı tanıy. 1948nçe yılda torğan cirlärennän quılğan fälästinlelärneñ isä illärenä kire qaytuına kirtä bula.