Vakaari yanartawı 1 keşeneñ ğomeren aldı

Yaña Zelandiyäneñ Aq utrawındağı Vakaari yanartawı atuı näticäsendä 1 keşeneñ ğomere özelüen xäbär itälär. Xökümät räise Jasinda Ardern sośial’ media aşa turıdan-turı êfirda matbuğat cıyılışı  uzdırdı. Anda ul şartlaw waqıtında utrawda yaqınça 50 keşe buluın belderde.

Cirle waqıt belän 14 tulıp 30 minutta bulğan şartlawda 23 keşe yaralana. Alarnıñ berse xastaxanädä ülä. Tağın 7 keşeneñ xäle awır buluın belderälär.

Aedern äytüençä, utrawda buluı açıqlanğan 27 keşene qotqaru öçen êşçänlek alıp barıla.

Şul uq waqıtta, Yaña Zelandiyä poliśiyäse utrawda älegä tabılmağan keşelärneñ barlığın häm ülüçelärneñ sanı artırğa mömkin buluın belderä.