Okeannarda kislorod azaya

Okeannardağı kislorod miqdarı soňğı 50 yılda 2% tiräse azaydı.

Xalıqara tabiğat’ne saqlaw berlege isemle oyışma mäğlümatlarına kürä okeannardağı tübän kislorodlı töbäk sanı 1960 yıllarda 45 bulğanda bu san xäzerge waqıtta 700gä citte.

Bötenläy kislorodsız urınnarnıň isä 4 tapqırğa artuı belderelde.

Kislorod miqdarındağı azayu ayıruça tuneṡ, akula häm qılıç balığı kebek törlärgä yanıy.

Belgeçlär kislorod külämeneň klimat üzgäreşe arqasında tizlek belän azayuın äytä.

İke okisle uglerod miqdarı artqan sayın barlıqqa kilgän cılılıqnıň zur öleşe okeannar tarafınnan seňderelä.

Bu isä tağın da cılı sularda äz kislorod digän süz.

Okeannarnıň kislorod yuğaltuı su astındağı tormış tigezlegeneň bozıluın kiterep çığara.

Okeannardağı tormışnıň cılılıqnıň artuı, küp awlaw häm plastmass kerlelege arqasında qurqınıç astında buluına iğtibar cälep itelä.