Ğıyraqta AQŞ xärbilärenä höcüm

Ğıyraqnıñ Änbar töbägendä Amerika Quşma Ştatları xärbiläre urnaşqan bazağa 5 raketa atıldı. Monı kemnär êşläwe älegä açıqlanmağan.

Ğıyraq iminlek media çeltärennän yasalğan belderügä qarağanda, Ayn äl-Äsäd aviabazasına höcümdä ülüçe bulmağan. Şulay uq, matdi zıyan kürelmäwen dä xäbär itälär.  

Älege bazada DEAŞ terrorçı oyışması belän köräşüçe Xalıqara koaliśiyä köçlärennän yaqınça 5 meñ Amerika xärbiye bar.

İsegezgä töşeräbez, DEAŞ 2014nçe yılnıñ iyün’ ayında Ğıyraqnıñ öçtän ber öleşen qulına töşerde. İlneñ iminlek köçläre 2017nçe yılnıñ dekabrendä cirlärneñ kübesen kire aldı. DEAŞnıñ töbäktän çığarıluı häm şähärlärneñ terrorçılardan çistartıluına qaramastan, Kärkük, Diyala, Musul, Salaxaddin häm Änbär töbäklärendä höcümnär däwam itä.