Albaniyädä ülüçelär sanı arttı
Cir teträwdä cimerelgän binalar astınnan keşelärne êzläw däwam itä
1314419
Albaniyädä 26nçı noyabr’dä bulğan cir teträwdä ğomere özelüçelär sanı 45kä citte. Zilziläneñ üzäge Durres şähärenä 15 çaqrım yıraqlıqta ide. 6,3 zurlığındağı cir teträwdä yaralanuçılar da şaqtıy küp: 790 keşe.
Dürresnıñ Tumane rayonında cimereklär astınnan keşelärne êzläw tuqtatıldı. Başqa rayonnarda isä Törkiyä häm başqa däwlätlärdän kilgän qotqaruçılar êşçänlegen däwam itä.
Albaniyä ministrlar kabinetı qararı nigezendä cir teträw säbäple başqala Tirana häm Durresta 30 könnän artmayaçaq şart belän tabiğıy afät xäle iğ’lan itelde.
