İrandağı protest çaralarında CIA bäyläneşe

İranda benzin bäyälären kütärügä rizasızlıq belderelgän protest çaraları belän bäyle 8 keşe AQŞ üzäk küzläw oyışması CIA belän bäyläneşläre buluı nigeznamäse belän qulğa alınğan.

İran küzläw ministrlığınıñ bu xaqtağı belderüendä älege keşelärdän 6 sınıñ protest çaralarında CIA neñ boyırıqların cirenä citkerüe, 2 seneñ çit ilgä mäğ’lümat citkerüe belderelä.

Jurnalist sıyfatında êşçänlek alıp barğan keşelärneñ CIA dän finans yärdäme aluları da alğa sörelä.

Amerika Quşma Ştatları sankśiyäläreneñ dä täêsire belän iq’tisadi cähättän awır könnär kiçerüçe İran xalqı 15 nçe noyabr’dä benzin bäyäläre 3 tapqırğa kütärelgäç protest çaraları başlatqan ide.

İlneñ şaqtıy şähärendä 3 kön däwam itkän rizasızlıq belderü çaralarında däwlät binaları, banklar, yağulıq stanśiyälären cimerdelär, kibetlärne taladılar.

Protestlar belän bäyle 7 meñ keşeneñ qulğa alınuı belderelde.

Xalıqara yarlıqaw oyışması isä älege çaralarda kim digändä 143 keşeneñ ğomere özelüen citkerde.