NATO Putinnı borçuğa saldı
NATO ğalämne qullanırğa qarar qıluın beldergän ide
![NATO Putinnı borçuğa saldı](http://cdn.trt.net.tr/images/xlarge/rectangle/ce29/a51d/9959/5d1f332289d8a.jpg?time=1718722970)
Rusiyä däwlät başlığı Vladimir Putin NATOnıñ xärbi mäydanda ğalämne qullanu kereşülärenä borçıla. Ul İminlek şurası cıyılışında NATO häm AQŞnıñ xärbi çaraları turında uyların citkerde.
Putin fikerençä, AQŞ urta yıraqlıqtağı atom-töş qoralları kileşüen (İNF) bozıp qoral kontrol’ itü mexanizmına bärde. “Andağı raketa model’läreneñ dön’yanıñ törle urınnarına urnaştıru yanawları kiyerenkelekne arttırdı,”-dide ul.
Putin NATOnıñ Rusiyä çiklärenä yaqın cirlärdä xärbi-säyäsi asqormasın köçäytüenä iğ’tibarnı cälep itte.
“NATOnıñ xärbi mäydanda ğalämne qullanu kereşüläre borçu tudıra. Bu şartlarda xalıqara alandağı üzgäreşlärne analizlap, näticälärgä nigezlänep xärbi tarmaqtağı mömkinleklärebezne üsterü bezneñ öçen ähämiyätle,”-dide Rusiyä däwlät başlığı.
NATO ğomum särqatibe Yens Stoltenberg çärşämbe könne yasağan belderüdä: “Ğalämneñ, hawa, cir, diñgez häm kiber kiñlektän tış, yaña xäräkät alanı bulacağına qarar qıldıq,”-digän ide.