Möselmannarğa qarata höcüm planlağannar
Varşavada 2 pol'şalı qulğa alındı
Pol’şa başqalası Varşavada möselmannarğa qarata höcüm planlawı ӓytelgӓn 2 keşe qulğa alındı.
“Pol’şa Radiosı” beldergӓnçӓ Pol’şa Poliśiya idarӓse süzçese Stanislav Zarin möselmannarğa qarata höcümgӓ ӓzerlӓnüe dӓğwası belӓn yӓkşӓmbe könne qulğa alınğan çiktӓn tış uñçı 2 pol’şalınıñ saq astına alınuına qarar birelüen citkerde.
Zarin süzlӓrenӓ qarağanda iminlek köçlӓre Varşavadağı ber öyne êzlӓgӓndӓ utlı qorallar hӓm kirӓk-yaraqlar belӓn ber rӓttӓn zur miqdarda şartlatqıç yasar öçen qullanıluçı matdӓlӓrne qulğa töşerde.
Süzçe qulğa alınğan ike keşeneñ 2011dӓ 77 keşene ütergӓn terrorçı Anders Brayvik belӓn mart ayında Yaña Zelandiyaneñ ike mӓçetendӓ 51 keşene ütergӓn 28 yӓş’lek terrorçı Brenton Tarrantnıñ höcümnӓrennӓn ürnӓk aluın ӓytte.
2 pol’şalı qanunsız rӓweştӓ qoral hӓm şartlatqıç matdӓ totu, şartlatqıç yasaw hӓm tnik belӓn dini törkemnӓrgӓ qarata höcüm oyıştırırğa çaqıruda ğayeplӓnep, xökemgӓ tartılaçaq.
