“Ukraina NATOğa äğ’za bula ala”
Bu xaqta NATO ğomum särqätibe Yens Stoltenberg belderde
NATO ğomum särqätibe Yens Stoltenberg Ukrainanıñ “1+1” televideniysenä birgän interv’yusında Ukrainanıñ NATOğa quşılu ixtimalına tuqtaldı.
Stoltenberg Çernogoriyanıñ 2 yıl êlek NATOğa kerüen xäterlätep:”Tön’yaq Makedoniya berniçä ay êçendä NATO äğ’zası bulaçaq. Pol’şa häm Baltıyq buyı däwlätläreneñ Berlin divarı cimerelgännän soñ NATOğa äğ’za bulaçağın beräw dä uylıy almas ide”dide.
Ukrainanıñ NATOğa äğ’za bula alaçağın beldergän Stoltenberg :”Berlektäşlärneñ barısı da Ukrainanıñ NATOğa äğ’za buluı qararına kilde. Ukrainanıñ NATOğa quşıluı öçen kiräkle reformalarnı başqaruı häm cämğiyäten zamançalaştıruı mäs’äläsendä aña yärdäm itäçäkbez”,-dide.
Yens Stoltenberg êlegräk Ukrainaga säfär qılıp NATO işekläreneñ Ukrainağa açıq buluın beldergän ide.
