“Grek bularaq oyalam”

Greṡiya jurnalistı Liana Spiropulu Törkiyädä süriyälelär yäşägän şähärçeklärneň iskitkeç buluın kürgäç, üz ilennän oyaluın äytte.

Germaniyadä çığuçı “Bild” gazetınıň grek xäbärçese Spiropulu yazmasında tuğan yağı häm Törkiyädäge şähärçeklärgä bäyä birde.

Törkiyädäge şähärçeklärne kürep şaqqatuın beldergän jurnalist alarnıň Greṡiyadägelärdän meň qat yaxşı xäldä buluın citkerde.

Törkiyädä Hatay häm Kilistäge qaçaqlar şähärçeklären gizgännän soň monı “Bild” gazetı öçen xäbärgä äyländergän jurnalist Liana Spiropulu: “Törkiyädä minem xökümätemneň, minem Greṡiyamneň qaçaqlarğa qarata nindi keşeleksez totış kürsätüen, biçara häm yaqlawçıları bulmağan keşelär artında nindi säyäsät alıp baruın aňladım,” – dide.

Jurnalist 2015 yılda başlanğan qaçaqlar krizisınnan bügengä qadär Greṡiyadäge şähärçeklärneň wazğiyätennän oyaluın äytte. Spiropulu qaçaqlarnıň urın-cir bulmaw arqasında aylar buyı tufraq östendä yoqlawın, uçaq yağıp, aş-sunı şunda peşerergä mäcbür qaluın, balalarnıň yaqlawsız buluınnan barı tik Awrupa Berlege häm Berläşkän Millätlär Oyışmasın cawaplı itep totuın assızıqladı.

Törkiyädäge şähärçeklärneň Greṡiyadägelär belän çağıştırğanda 5 yoldızlı qunaqxanä kebek buluın açıqladı ul.

İlendäge bädräf häm yuınu bülmäläreneň kümäk häm pıçraq buluına basım yasağan jurnalist Törkiyädä isä konteyner öylärdä ayırım bädräf , yuınu, aş-su bülmäläreneň buluın belderde.

Liana Spiropulu şulay uq Greṡiyadä qaçaq balalarnıň pıçraqta uynawın, Törkiyädä isä mäktäpkäçä häm başlangıç belem aluın, şähärçektä kitapxanäneň buluın da citkerde.

Xäbärdä Törkiyädäge qaçaqlardan qayberläreneň êş tabuları häm êşläwläre assızıqlandı.

Greṡiyaneň 65 meňnän äz qaçaqnı qabul itü mäs’äläsendä uňışsız buluın, läkin Törkiyädä 3 million qaçaq buluğa qaramastan bu ilneň uňışlı buluın äytkän jurnalist: “Grek bularaq oyalam,” – dide.