Malida xärbi noqtağa höcüm:35 üle

Malinıñ tön’yaq-könçığışında Niger çigendäge xärbi noqtağa terrorçılar tarafınnan höcüm oyıştırıldı. Anda 35 soldatnıñ ğomere özelde.

Mali qorallı köçläreneñ räsmi Feysbuk bitendä urın alğan açıqlawğa qarağanda, höcümdä matdi yuğaltu da zur bulğan. Armiyäneñ qoralları häm suğış kiräk-yaraqları zıyan kürgän.

Mali qorallı köçläre wäzğıyät’ne kontrol’ astına alğan.  

Qayber çığanaqlar isä ülüçelärneñ sanınıñ 40tan artıq buluın häm bik küp xärbineñ yuqqa çığuın söyli.

Xökümät xalıqnı berdämlekne saqlarğa çaqırdı.

İlneñ tön’yaq häm üzäk cirleklärendä 2012nçe yıldan birle separatist bäreleşlär häm terrorçı höcümnär bulıp tora.