Braziliyädäge neft' tapları - greklar êşeme?

Braziliyädä yaqınça 2 ay buyı ilneñ könüzäk mäs’äläläre rätennän töşmägän neft’ sarqu belän bäyle tikşerüdä yañalıq bar. Qara altınnıñ Greśiyä bayrağın yörtüçe tankerdan aqqan bulu ixtimalı alğa sörelä. Bilgele bulğança, neft’ tapları Braziliyäneñ 9 töbägendä 286 plyajnı pıçrattı.

Poliśiyä şöbhäle tanker terkälgän grek şirkäte ofisında tentü yasadı. Anıñ üzäk binası Rio de Janeyroda urnaşqan, ämma iseme äytelmi.

Älege şirkät, tanker häm xezmätkärläre xaqında tağın da kübräk mäğ’lümat alu öçen İnterpoldan yärdäm sorağannar.

Tankernıñ Venesuêladan quzğalıp kitüen häm neft’neñ 29nçı iyül’dä  Braziliyä yarlarına 700 çaqrım yıraqlıqta yözgändä ağıp çığuın farazlıylar.

Ul könne älege regionda başqa köymä kürenmäwe öçen barlıq şöbhälär Greśiyä tankerı östenä töşä.