Tramp tağın kölkegä qaldı

Amerika Quşma Ştatları däwlät başlığı Donal’d Tramp DEAŞ atamanı Äbübäker äl-Bağdadiğa qarşı operaśiyädä yaralanğan êtkä medal’ tağuın kürsätüçe räsem urtaqlaşqan ide. Ämma älege fotonıñ montajlanğan buluı ayırmaçıq kürenep tora.

Trampnıñ räsmi Twitter bitendä “Amerika kaxarmanı” iseme astında urtaqlaşqan räsemendä şimbä könne Süriyädä Bağdadi üle kileş qulğa töşerelgän operaśiyädä qatnaşqan êtkä täpi sürätlängän medal’ tağuı kürenä. Fotomontaj buluı añlaşıluçı räsemneñ çını ber tantanada AQŞ ilbaşı V’yetnam suğışı veteranına medal’ taqqanda töşertelgän bulğan. Montaj waqıtında veteran urınına êtne quyğannar.

Trampnıñ profil’ räseme itep berketelgän älege foto sośial’ mediada häm Amerika matbuğatında mäzäk häm kölkegä säbäp buldı.