34 meñ terrorçı çigende

Rusiyä YPG/PKKlı 34 meñ terrorçı häm 3 meñnän artıq qoral belän xärbi texnikanıñ Süriyädä imin töbäk tışına çığarıluın belderde. Bu Törkiyä belän Rusiyä arasında tözelgän kileşü nigezendä êşläñde.  

Älege ilneñ saqlanu ministrlığınıñ Süriyädäge taraflarnı kileşterü üzäge idaräçese Yuriy Borenkov beldergänçä, ruslar ağımdağı yılnıñ 22nçe oktyabrendä ike arada tözelgän üzara añlaşu memorandumında küzdä totılğan barlıq çaralarnı tormışqa aşırdı. “29nçı oktyabr’dä 18 säğat’kä qadär 34 meñ keşedän torğan 68 YPG berlege belän 3 meñnän artıq qoral häm xärbi texnika Törkiyä qorallı köçläreneñ front sızığınnan 30 çaqrım yıraqlıqqa çigende,”-dide ul.     

Borenkov, monnan tış, Süriyä-Törkiyä çigendä Bäşşar Äsäd rejimına qarawçı köçlärneñ 84 çik buyı saq xezmäte buldıruı turında mäğ’lümat urtaqlaştı. Alarnıñ 60ı - Qamışlı, 24e isä Aynelarab (Kobani) rayonında urnaşqan.

Borenkov xäterlätkäñçä, 23nçe oktyabr’dän başlap Rusiyä xärbi poliśiyäse Djerablus-Koran, Qamışlı-Fakira häm Qamışlı-Simalkada 10 çaqrımlı imin töbäklärdä patrul’lek itä.