Tramp Törkiyägä qarşı çikläwlärne beterergä quştı

Donal’d Tramp başqala Waşingtonda matbuğat oçraşuın oyıştırdı.

İlbaşı Räcäp Tayyip Ärdoğan belän bik yaxşı mönäsäbätläre buluın añlatuçı Tramp: "Ul ilen yaratuçı häm matur êşlär başqaruçı keşe. Yaqın waqıtta bergä oçraşa alabız,” – dip äytte.

Tramp Kazna ministrı Steven Mnuçinğa Törkiyägä qarata qullanılğan böten çikläwlärneñ beterelüe boyırığın birüen açıqladı.

Törek qorallı köçläre Süriyädä Färat yılğasınıñ könçığışında ildä häm töbäktä tınıçlıq belän xozurnıñ urnaştırıluı öçen 9nçı üktäbr’dä “Solıx çişmäse” xäräkäten başlatqan ide.

AQŞ citäkçelege şuşı cähättän çığıp Törkiyägä qarşı bertörkem sankśiya qararın açıqlağan ide.