Rusiyä oçqıçları Afrikağa cibärelde

Rusiyӓ Federaśiyase saqlanu xezmӓttӓşlege kileşüe qısalarında Topulev Tu-160 “Blackjack” törendӓge ike bombardirovçiknı Kön’yaq Afrika Cömhüriyӓtenӓ cibӓrde.

Cirle mediadağı xӓbӓrlӓrdӓ Rusiyӓgӓ bӓyle ike bombardirovçiknıñ Kön’yaq Afrikanıñ Tshwane şӓhӓrendӓge Waterkloof xӓrbi bazasına kilep utıruı belderelde.

Kön’yaq Afrika Saqlanu köçlӓre tarafınnan yasalğan açıqlawda isӓ: “İke il arasındağı xӓrbi mönӓsӓbӓtlӓr barı tik sӓyӓsi nigezgӓ genӓ tügel, ӓ şul uq waqıtta urtaq mӓnfӓğat’ mönӓsӓbӓtlӓrenӓ tayana,” – dip ӓytelde.

Rusiyӓgӓ bӓyle ike bombardirovçiknıñ Soçida oyıştırılğan “Rusiyӓ-Afrika oçraşuı hӓm iqtisadi forum” waqıtında Kön’yaq Afrikağa cibӓrelüe iğtibarnı cӓlep itte.