Dön’yadağı iñ ozaq aralıqqa test oçışı
Avstraliyä şirkäte oçqıçı 16 meñ 200 çaqrımlıq aranı berözleksez 19 säğat’ 16 minutta ütte
Avstraliyä şirkäte Kuantas dön’yadağı iñ ozaq aralıqqa test oçışın tamamladı.
BBS xäbärenä qarağanda, “Boing 787-9” markalı oçqıç AQŞnıñ N’yu-York şähärennän Avstraliyäneñ Sidney qalasına 16 meñ 200 çaqrımlıq aranı berözleksez 19 säğat’ 16 minutta ütte.
Özleksez oçışlarnıñ pilotlar, xezmätkärlär häm yulçılarğa niçek täêsir itüen sınaw öçen test oçışında 49 keşe qatnaştı.
Dön’yadağı iñ ozın aralıqqa oçışta yulçılar säğat’lären Sidney waqıtına üzgärtte. Alarğa kütärelgännän soñ 6 säğat’ ütügä yoqıların ciñelläşterü öçen uglevodlı rizıqlar birelde.
Şirkät kiläse ayda Londonnan Sidneyğa özleksez oçış yasarğa planlaştıra.
Sınaw näticäläre uñay çıqsa, 2022nçe yäisä 2023nçe yıldan başlap mondıy säfärlär daimi bulaçaq.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı
