Yaponiyädäge Xagibis öyermäsendä 77 keşe ülde

Yaponiyädäge Xagibis öyermäse arqasında kilep çıqqan qaza häm afätlärdä ülüçelärneñ sanı 77 buldı.

Xökümät räise Abe Şinzo Xagibis öyermäse täêsirle bulğan töbäklärneñ berse Fukusimağa bardı häm xalıqnıñ moñ-zarın tıñladı.  

Xökümät imperator Naruxitonıñ 11nçe oktyabr’ sişämbe köngä planlaştırılğan tac kiyü tantanasın kiçekterergä mömkin.

Öyermädän soñ barlıqqa kilgän su basular arqasında taw awıllarında çığa almıyça qalğan keşelärne êzläw-qotqaru êşläre däwam itä.  Yaponiyä utrawlarınıñ iñ zurı - Xonsyuda kimendä 23 meñ gektar cirneñ su astında qaluın belderälär. Yılğalarnıñ taşuınnan soñ 33 meñ öyne su basqan, 1700 bina cimerelgän.

Meteorologiyä agentlığı ilneñ tön’yaq-könçığışı häm könçığışında comğa häm şimbä könnärendä qabat yawım-töşem bulacağı turında kisätte.