Yaponiyada tayfun

Yaponiyada kiçӓ 6 töbӓktӓ küzӓtelӓ başlağan Xagibis tayfunınıñ tӓêsire belӓn ülüçelӓr sanı 11gӓ citte.

Tayfun bӓrgӓn töbӓklӓrdӓ barlığı 11 keşeneñ ğomere özelde, yuğalğan keşe sanı da 15 buldı.

Tayfunnan soñ küp kenӓ şӓhӓrdӓ su basu küzӓtelde, 500 meñgӓ yaqın öyneñ utsız qaluı açıqlandı.

Tayfunnıñ bügen Yapon arxipelagınnan yıraqlaşuı kötelӓ.

Tizlege sӓgӓtenӓ 180 çaqrımğa citkӓn tayfun arqasında qayber töbӓklӓrdӓ cir şuışuları barlıqqa kilde, köçle yawım-töşemnӓr arqasında Yaponiyaneñ Xonşu utrawında kiçӓ 6 millionnan artıq keşeneñ êvakuaśiyase tӓqdim itelgӓn ide.

Başqala Tokio hӓm tirӓ-yağındağı poyezd sӓfӓrlӓre hӓm oçışlarnıñ kübese düşӓmbe könenӓ qadӓr ğamӓldӓn çığarılğan ide.