İranda zur külämdä tabiği gaz rezervı tabılğan

 İran däwlät televideniyese beldergänçä, ilneñ kön’yağında alıp barılğan neft’ häm gaz êzläw êşçänleklärendä 3 meñ 900 metr tiränlektä 1 trillion kub metr tabiği gaz rezervı tabılğan.

İran neft’ şirkäteneñ êzläp tabu êşçänlekläre mödire Salih Hindi älege rezervlarnıñ başqala Tährannıñ 16 yıllıq tabiği gaz ixtıyacın qanäğät’länderä aluın beldergän.

Ul şirkät ğomum mödireneñ mäs’älä belän bäyle centekle mäğ’lümatnı qısqa waqıt êçendä cämäğät’çelekkä citkeräçägen beldergän.

Neft’ şirkäte mäğ’lümatlarına kürä,yaqınça 33 trillion kub metr tabiği gaz rezervına iyä bulğan İran dönyada  bu tarmaqta Rusiyädän soñ ikençe urında tora.