Çiktän tış fäqıyr'lek

Nigeriyädä 94 million keşe köndälek 2 dollardan kim keremgä yäşi. Xalıqara yärdäm oyışması Oksfamnıñ Nigeriyä direktorı Konstant Çoma ildäge yarlılıqnı sannar belän kürsätte. Anıñ äytüençä, äle aprel’ ayında ğına fäqıyr’lek çigendägelär 91 million bulğan. 6 ay êçendä bu kürsätkeçkä tağın 3 million keşe östälä.

“Çağıştırıp qarasañ, Nigeriyädäge açlıq çigendägelär Gambiyä häm Kabo Verde şikelle illärdäge xalıq sanınnan tağın da kübräk. Däwamlı çaralar kürelmägän oçraqta 2030nçı yılda ilneñ xalqınıñ 25%ı açlıqta yäşärgä mömkin,”-di Çoma.   

Bay neft’ häm gaz çığanaqlarına iyä Nigeriyädä rişwätçelek, ğadelsezlek häm êçke bäreleşlär il iq’tisadına naçar täêsir yasıy.