Hamaney Ğıyraqtağı waqıyğalar xaqında belderü yasadı

İran liderı Ali Hamaney doşmannarınıñ İran belän Ğıyraq arasında añlaşılmawçılıq kiterep çığarırğa mataşuın, ämma monı başqara almayaçaqların belderde. Ul üzeneñ Twitter xisabınnan yasalğan belderüendä kürşe däwlätneñ başqalası Bagdadta häm başqa şähärlärendä däwam itüçe xökümätkä qarşı rizasızlıq çaraları xaqında fikeren belderde. Hamaney anda İran belän Gıyraq xalqınıñ ber-berenä bäyle buluın häm bu êlemtäneñ här ütkän kön sayın tağın da köçäyäçägen assızıqladı. “Doşmannar bezne bülergä tırışa, ämma monı başqarıp çığa almayaçaqlar häm süz quyışuları buşqa çığaçaq,”-di İran ilbaşı.

Gıyraqta 1nçe oktyabr’dän birle xökümätkä qarşı rizasızlıq çaraları däwam itä. Anda barlığı 104 keşe ülde, 6 meñnän artığı yaralandı.