"Ğıyraq däwlät belän däwlätsezlek arasında"

Ğıyraq xökümäte räise Adil Abdulmäxdi rizasızlıq çaralarına çığuçılarnıñ taläplären añlawların, ämma däwlätneñ qulında sixerle tayaqnıñ bulmawın häm ber yıl êçendä xıyallarnı tormışqa aşıru mömkin tügellegen belderde.

Başqala Bagdat häm bik küp töbäktä berniçä kön däwam itüçe köçle protestlardan soñ Abdulmäxdi ilneñ däwlät telekanalı aşa çığış yasadı.

“Bez bügen däwlät belän däwlätsezlek arasında saylıybız. Demokratiyä prośessına barıp cirkängä qadär zur sınawlar uzdıq, xäzer citdi räweştä xezmät itärgä häm êşlärgä telibez,”-dide ul.  Abdulmäxdi ömetsezlek turında söyläwçelärne, kiregä qaytırğa häm cämğıyät’ne suğışçan xälgä kilergä öndäwçelärne tıñlamasqa çaqırdı.

Xökümät räise az keremle ğailälärgä aylıq tüläwlär bilgeläw öçen ministrlar kabinetına proyekt kertäçäklären dä östäde.

Annan ul çaralarda qatnaşuçılarğa möräcäğat’ itep bolay dide: “Säyäsi çınbarlıqtan qanäğat’sez buluığız añlaşıla. Tormış şartların yaxşırtu häm korrupśiyä belän köräş taläpläregez bezgä kilep ireşte. Monnan soñ köçebez citüçe här närsä öçen bezdän xisap sorağız, ämma bez sixerle çişeleşkä iyä tügel”.

İsegezgä töşeräbez, Ğıyraqta 1nçe oktyabr’dän birle baruçı rizasızlıq çaralarında 35 keşeneñ ğomere özelde, 177 keşe yaralandı.