Cirteträwdä ülüçelӓr sanı 36ğa citte

İndoneziyaneñ Maluku vilayӓte başqalası Ambonada 26 sentӓbr’ könne barlıqqa kilgӓn 6,8 ball zurlığındağı cirtetrӓwdӓ ülüçelӓr sanı 36ğa citte.

İndoneziyadӓ Tempo gazetı xӓbӓrenӓ kürӓ Maluku Afӓt idarӓse agentlığı başlığı Farida Salampessi zilzilӓ küzӓtelgӓn töbӓklӓrdӓge tikşerenülӓr nӓticӓsendӓ urtaqlaşılğan mӓğlümatlarğa kürӓ ğomere özelüçelӓr sanınıñ 30dan 36ğa citüen açıqladı.

Salampessi Ambonada 11, Urta Maluku töbӓgendӓ 15 hӓm Seram töbӓgendӓ dӓ 10 keşeneñ yaqtı dön’yadan kitüen belderde.

Milli afӓt idarӓ agentlığı rӓsmi zatları 6 meñnӓn artıq qorılma zıyan kürgӓn cirtetrӓw töbӓgendӓ keşelӓrgӓ sıyınu urını belӓn tӓêmin itü hӓm azıq-tölek kebek törle yӓrdӓm kürsӓtü êşçӓnleklӓreneñ dӓwam itüen citkerde.

Zilzilӓ arqasında töbӓktӓ 9 üktӓbr’ könenӓ qadӓr ğadӓttӓn tış xӓl iğlan itelgӓn ide.

Maluku vilayӓtendӓge Ternate töbӓgendӓ 14 iyul’ könne barlıqqa kilgӓn 7,3 ball zurlığındağı cirtetrӓwdӓ 6 keşeneñ ğomere özelgӓn ide.