"Soğud Ğaräbstanınıñ ğadel xökemenä ışanam"

Uzğan yıl üterelgän Soğud Ğaräbstanı jurnalistı Cämal Qaşıqçınıñ ulı Salax ätise belän bäyle cinayät’ êşendä ileneñ xökem çığaru organına ışanuın belderde. Bu xaqta ul üzeneñ Twitter xisabında yazdı.

“Söyekle ätiyebezne yuğaltqannan soñ 1 yıl ütte. Êlegräk tä äytkänem bar ide: Soğud Ğaräbstanınıñ ğadellekne täêmin itäçägenä häm bu qurqınıç cinayät’ne başqaruçılarnı cäzasız qaldırmayaçağına ışanuın çiksez. Min dä, ätiyem şikelle, watanğa häm anıñ idaräçelärenä tuğ’rı qalaçaqmın,”-dip yaza Sälax.

İsegezgä töşeräbez, jurnalist Cämal Qaşıqçı nikyax belän bäyle dokument êşläre öçen 2018nçe yılnıñ 2nçe oktyabrendä Soğud Ğaräbstanınıñ İstanbuldağı konsullığına kitte häm şunda üterelde. BMOnıñ keşe xoquqları yuğarı komissarlığı tarafınnan iyün’ ayında täq’dim itelgän 101 bitle xisapta älege cinayät’ öçen Soğud Ğaräbstanı cawaplı itep kürsätelde.