Ruxani - Sarkisyan söyläşüe

İran däwlät başlığı Xäsän Ruxani belän Ärmänstan ilbaşı Armen Sarkisyan Yerevanda küreşep söyläşte.

İran İlbaşı idaräsennän yasalğan açıqlawğa kürä Ärmänstan prem’yer-ministrı Nikol Paşinyannıň çaqıruı belän Awraziya İqtisadi cämğiyäteneň Liderlar oçraşuında qatnaşır öçen Ärmänstan başqalasında söyläşülär ütkärüçe Ruxani Sarkisyan belän ike yaqlı häm regional’ mäs’älälärne qaradı.

Ruxani Ärmänstan häm qalğan kürşe illär belän mönäsäbätlärneň üsterep, nığıtunıň İran tışqı säyäsäteneň nigezen täşqil’ itüen belderep, ike ilneň ênergetika, transport, turizm häm sänägät’ ölkäsendä zur xezmättäşlek potenṡialına iyä buluın assızıqladı.

Ruxani İrannıň Awraziya İqtisadi cämğiyätenä quşıluınıň töbäktä iqtisadi mönäsäbätlärneň nığuına öleş kertäçägen açıqladı.

Sarkisyan da İran belän mönäsäbätlärne üsterüneň üzläre öçen möhim buluın aňlatıp, sänägät’, ênergetika häm tirä-yaq moxitnı saqlaw mäs’älälärendä xezmättäşlekne arttırırğa teläwlären citkerde.