"Yaňa kanal BBCğa oxşayaçaq"

Paqıstan prem’yer-ministrı İmran Xan Törkiyä-Malayziya-Paqıstan qoraçaq kanalnıň BBC televideniyesenä oxşayaçağın äytte.

Soŝial’ media xisabına Törkiyä ilbaşı Räcäp Tayyip Ärdoğan häm Malayziya prem’yerı Maxatxir Möxämmäd belän töşerelgän räsemne quyğan Xan öç lider kileşkän televideniye kanalı turında mäğlümat birde.

İmran Xan kanalda möselmannarğa qağılışlı mäs’älälärgä urın bireläçägen belderep: “Şulay uq İslamofobiyağa qarşı köräş belän bäyle tapşırular da yasalaçaq,” – dide.

Paqıstan xökümät räise uzğan atnada öç lidernıň AQŞnıň N’yu-York şähärendä BMO Ğomüm şurası qısalarındağı oçraşudan soň urtaq televideniye kanalın qoru qararınıň qabul itelüen açıqlağan ide.