Suğan belän sarımsaq aşaw - yaman şeşkä qarşı kirtä

Kön sayın çi sarımsaq häm suğan aşaw xatın-qızlarda kükräk yaman şeşe qurqınıçın 67%qa kimetä. AQŞnıñ Buffalo häm Puêrto-Riko universitetlarında uzdırılğan tikşerenülär şunı kürsätte.

Puêrto-Rikoda 30 belän 79 yäş’ arasındağı 600dän artıq xatın-qıznıñ köndälek tuqlanu ğadätlären tikşerälär. Näticädä sarımsaqlardağı alliśin digän matdäneñ kontrol’sez räweştä küzänäk bülenüenä çik quyuı açıqlana.   

Şul uq waqıtta, belgeçlär suğan häm sarımsaqnıñ üpkä, prostata häm aşqazanı yaman şeşe qurqınıçın kimetä aluın da äytä.

Monnan aldağı tikşerenülärdä suğandağı antioksidantlı kverśetin pigmentınıñ kükräk yaman şeşendä mutant proteinnı basqılawı açıqlanğan ide.