Qıtay ğalämgä çirattağı iyärçenen cibärde

Qıtay dingez, atmosfera häm ğalämne küzätü öçen qullanılaçaq Yünxay-201 iyärçenen oçırdı.

Şinxua agentlığınıñ xäbärenä qarağanda, yasalma iyärçenne Êçke Mongoliyä avtonom töbägendäge Gobil çülendä urnaşqan kosmodromnan cibärgännär.

İyärçen tabiğıy afätlär, ğaläm, atmosfera häm diñgez äylänä-tiräsen küzätep törle fänni sınawlar ütkärü öçen qullanılaçaq.

Qıtay “ğaläm yarışına” AQŞ häm Rusiyädän soñ 3nçe bulıp quşıldı. Ul soñğı çorda älege tarmaqta tiz üsüe belän alğa çıqtı.

Qıtay yıraqtan qabul itüçe iyärçennär, orbitada daimi ğaläm stanśiyäse tözeleşe, Ay êşçänlege, Mars häm Yupiternı öyränü proyektları belän 2045nçe yılda lider däräcäsenä ireşüne maqsat itep quya.