Feysbuk uylarnı uqırğa cıyına

Feysbuk uylarnı uqıy ala torğan sistema yasaw öçen êşçänlek alıp baruçı “CTRL-labs” dip ataluçı şirkätne satıp aldı.

Sośial’ media platformasınıñ üzennän belderülärençä, şirkät keşelärneñ sanaqlarnı uyları belän kontrol’ itüenä yünälgän sistema uylap çığarmaqçı. Ul Feysbuknıñ “Çınbarlıq laboratoriyäse” isemle êşçänlegenä quşılaçaq. Yaña texnologiyä barı tik ber beläklek yärdämendä cihazlarnı qullanu mömkinlege biräçäk.

Feysbuk wäkile Êndryu Bosvort bolay dip añlata: “Arqa miye qullarığızdağı muskullarğa ber töymägä basu öçen êlektr signalları cibärüçe neyronnar bar. Beläklek bu signallarnı añlap ala häm cihaz qabul itärlek śifrlı signallarğa äwerelderä”.

“CTRL-labs” 2015nçe yılda Kolumbiyä universitetında nevrologiyä buyınça fännär kandidatı Tomas Rirdon häm Patrik Kayfoş isemle ike keşe tarafınnan tözelä.

Şirkät Feysbukka 1 milliard dollardan oçsızraqqa töşkän.