Tramp Käşmir mäs'äläsen çişärme?

AQŞ ilbaşı Donal’d Tramp Paqıstan häm Hindstan arasındağı Käşmir mäs’äläsendä yärdäm itärgä xäzer buluın belderde. Ul BMOnıñ 74nçe ğomum şurası cıyılışları öçen N’yu-Yorkka kilgän Paqıstan xökümäte räise İmran Xan belän oçraştı. Söyläşü BMO binasında ütte. Anda AQŞ belän Paqıstan arasındağı mönäsäbätlär häm regiondağı iminlek mäs’äläläre urtağa salıp söyläşende. Monnan tış, Tramp Käşmir turında ähämiyätle fikerlär citkerde. Ul ike ilneñ liderları belän dä älege mäs’älä xaqında söyläşüen häm krizisnıñ çişelüen teläwlären äytte. “Min Käşmir mäs’äläsendä yärdäm itärgä äzer, monı telim häm qulımnan da kilä. Bu bik butalçıq tema häm küptän däwam itä. Läkin ike yaq ta monı çişärgä teläsä genä yärdäm itäçäkmen,”-dide Tramp.

İmran Xan isä Käşmir mäs’äläseneñ çişeleşendä AQŞnıñ süzeneñ ütäçägen dä, cawaplılığı buluın da belderde.

“Bügen Käşmirdä 8 million keşe 900 meñ xärbineñ qamawı astında yäşi. Bu keşelek probleması,”-dide Paqıstan xökümäte räise.