Hindstanda dini çara waqıtında 11 keşe ülde

Hindstannıñ Madxiya Pradeş töbägendä küldä oyıştırılğan dini çara waqıtında kötmäneñ äylänüe näticäsendä 11 keşeneñ ğomere özelde.

Cirle matbuğat çaralarındağı xäbärlärgä qarağanda, waqıyğa Bxopal şähärendä bulğan. Köymägä quyılğan indus täñrese Ganeşa häykälen külgä batıru tantanası waqıtında qaza kilep çığa. Şunnan soñ 6 keşene qotqarırğa ölgerälär, 11eneñ isä üle gäwdäsen genä sudan alıp çığalar. Êzläw-qotqaru êşläre däwam itä.

Wäqalätlelär köymä qazasında ülüçelärneñ yaqınnarına kompensaśiyä tülänäçägen belderde.  

Hindstanda här yıl meñnärçä indus dini festival’dä ğıybadät qılğannan soñ Ganeşa häykälen suğa batıra.