Töşke yoqı yöräk öçen äybät

Şveyśariyädä uzdırılğan ber tikşerenü qısqa waqıtlı töşke yoqılarnıñ yöräk çirläre qurqınıçın kimetüen açıqladı. Belgeçlär 35tän 75 yäş’kä qadärge 3500 keşeneñ yoqı ğadätläre, ğomum sälamätlekläre häm yäşäw räweşen yaqınça 8 yıl buyınça küzätep bara.   

Tikşerenü kürsätkänçä, yoqınıñ citärlek bulmawı sälamätlekkä kiterep bärä. Şuña kürä köndez beraz çerem itep alu yöräkkä faydalı.  

Êksperimentta qatnaşuçılarnıñ yartısınnan kübesendä töşke yoqı ğadäte yuq, 667se köndez 1-2 tapqır yatıp ala, 411e bu sannı 3-5kä citkerä. Ä 370 keşe köne buyı 6-7 tapqır çerem itep ala.  

Tikşerüçelär atnada 1 yäisä 2 kön qısqa waqıtlı töşke yoqığa yatqan keşelärneñ, tönlä yoqlıy almasalar da, yöräk çirenä tap bulu qurqınıçı az ikänen açıqlıy.

Köndez çerem itep alu stresstan qotılırğa häm tönlä tuymağan yoqını tämamlap yöräkne saqlarğa yärdäm itä.

AQŞnıñ awırularnı kontrol’dä totu häm kisätü üzäge mäğ’lümatlarına qarağanda, yoqı tuymaw diabet, simezlek, qan basımı uynaw, fälec, yöräk çirläre häm aqıl xastalıqlarına kiterergä mömkin.  

Belgeçlär kön däwamında ênergetik bulu öçen töş turında 20 minut yatıp alunıñ citärlek buluın sanıy.