Nigeriyädä qorallı höcüm
Anda 10 keşeneñ ğomere özelgän
1266413
Nigeriyäneñ kön’yaq-könçığışında qorallı höcüm yasalğan.
Ebonyi vilayät’ idaräse başlığı David Umahi beldergänçä, höcümdä 10 keşeneñ ğomere özelgän, küp sanda keşe yaralanğan. Qayber öylärgä ut törtkännär.
Töbäkkä iminlek köçläre cibärelgän.
İldä soñğı waqıtlarda qorallı keşelärneñ motośikllar belän höcümnär oyıştıruı säbäple qayber vilayät’lärdä motośikl yörtü tıyılğan ide.
Nigeriyädä kötüçelär belän igençelär arasında da yış qına bäreleşlär küzätelä.
Qorallı törkemnär dä bu bäreleşlärdän faydalanıp höcümnär oyıştıra häm töbäk xalqın totıq itep ala.