Kön’yaq Koreya tayfunğa äzerlänä
İldä şaqtıy oçqıç sӓfӓre ğamӓldӓn çığarıldı
1265042
![Kön’yaq Koreya tayfunğa äzerlänä](http://cdn.trt.net.tr/images/xlarge/rectangle/4aef/ba01/4839/5b9cb8775dd30.jpg?time=1719144780)
Kön’yaq Koreyada Koreya yarımutrawına taba baruçı hӓm cilneñ tizlege sӓgӓtenӓ 155 çaqrımğa citkӓn Lingling tayfunı arqasında şaqtıy oçqıç sӓfӓre ğamӓldӓn çığarıldı.
Kore Meteorologiya berlege tayfunnıñ şimbӓ könne töştӓn soñ Kön’yaq Koreyaneñ könbatış yar buylarına bӓrӓçӓgen citkerde, köçle cil hӓm yawım-töşem arqasında su basu hӓm cir şuışuı kebek afӓtlӓrneñ barlıqqa kilӓ alaçağın iskӓrtte.
Kön’yaq Koreya Transport ministrlığı da Jeju Xalıqara aêroportında 80 sӓfӓrneñ ğamӓldӓn çığarıluın açıqladı.
İlneñ Mӓğarif ministrlığınnan yasalğan açıqlawda da Jeju utrawı tirӓ-yağındağı 300 mӓktӓptӓn uquçılarnıñ öylӓrenӓ cibӓrelüen, park hӓm zooparklarnıñ yӓkşӓmbe könenӓ qadӓr yabıq bulaçağı citkerelde.