10 yıl buyınça çips aşağan - suqır häm çuqraq qalğan

Angliyädä 17 yäş’lek ber yäşüsmer yaqınça 10 yıl sawlıqsız tuqlanıp kürü häm işetü säläten yuğaltqan. Tabiblar êçke organnarın tikşerep anıñ sälamätlege turında xisap xäzerli. Yäşüsmer aşawda çips, qızdırılğan bäräñge, aq ipi häm êşkärtelgän itkä östenlek birgän. 15 yäşendä inde anıñ kürü häm işetüendä problemalar kürenä başlağan.  Gel zararlı äyberlär aşaw näticäsendä organizmında vitaminnar citmi. Bu isä yäşüsmerdä optik nevropatiyä barlıqqa kiterä.

İseme äytelmägän älege balanı däwalarğa alınğan Bristol’ universitetı milli sälamätlek xezmätlärendä êşläwçe tabib Dänizä Atan äytüençä, keşelär sawlıqsız tuqlanu belän kürü säläte arasındağı bäyläneşne belep betermi. Ul B vitaminı häm baqır azayunıñ suqırayu häm çuqraqlanuğa kiterüen assızıqladı. Tabib yäşüsmerneñ söyäkläreneñ neçkälegeneñ D vitaminı citmäwgä bäyle buluın, balıq mayı, sır häm yomırqa aşamawdan kilep çığuın söyli.