İzrail ğaskärläre tağın fälästinlelärne qulğa alğan

Basıp alınğan Yordannıñ könbatış üzänlegendä tönge basqınnarın däwam ittergän  İzrail ğaskärläre 8 fälästinlene qulğa alğan.

İzrail armiyäseneñ  bu xaqtağı belderüendä alarnıñ terror waqıyğalarında qatnaşuları alğa sörelgän.

Älege fälästinlelär töbäktäge qulğa alu üzägenä cibärelgän.

Basıp alınğan Yordannıñ könbatış üzänlege häm Könçığış Qudüstä öylärdä bik yış tentü ütkärgän İzrail köçläre  törle däğ’walar belän fälästinlelärne qulğa ala.

Yordannıñ könbatış üzänlege häm Könçığış Qudüstä ğadäti xälgä äwerelgän qulğa alularda aralarında xatın-qızlar häm balalar da bulğan fälästinlelärneñ qayberläre könnär buyı qulğa alu üzäklärendä totıla.

Fälästin räsmi çığanaqlarına kürä ,İzrail törmälärendä yaqınça 5000 nän kübräk  fälästinle utıra, alarnıñ  500 gä yaqını administrativ saq astında, 220 sen balalar täşkil itä.

İzrail “administrativ saq astına alu” iseme astında küzläw oyışması mäğ’lümatlarına nigezlänep fälästinlelärne 1 aydan alıp 6 ayğa qadär saq astına ala.

Saq astına alınğan keşeneñ İzrailneñ iminlegenä qurqınıç tudıruı turında qarar çıqqan oçraqta xärbi sud’ya saq astında totu waqıtın 5 yılğa qadär ozınayta ala.