Adendan borçulı xäbär: 40 üle
Adenda soñğı 4 köndä bulğan bäreleşlärdä tınıç xalıq zur zıyan kürde
Yämänneñ kön’yağındağı waqıtlıça başqala Adenda soñğı 4 köndä bulğan bäreleşlärdä tınıç xalıqtan 40 keşe ülde, 260ı yaralandı.
BMOnıñ Yämän ofisınnan belderülärençä, bu sannar älege mäs’älä beläñ bäyle täwge xisapta kürsätelä. Bäreleşlär 8nçe avgustta başlandı. Ul Qorban bäyrämendä dä tuqtap tormadı.
BMOnıñ Yämän koordinatorı Liz Grande bolay dide: “Yämänle ğailälärneñ Qorban bäyrämendä yaqınnarın tınıçlıq êçendä qoçaqlayaçaq urınğa matäm totuları bik ayanıç xäl. Ğomere özelüçelärneñ ğailäläreneñ qayğısın böten küñelebez belän urtaqlaşabız”.
Ul bäreleşlärdä qatnaşuçı barlıq taraflarnı yämänle gadi xalıqnıñ ğomeren saqlaw öçen xalıqara keşe xoquqların ütärgä çaqırdı.
“Regiondağı ğailälärneñ tormışqa totınu öçen ixtiyacı bulğan äyberlärgä imin häm irekle räweştä ireşä aluı kiräk. Bu nisbättän moxtaclar yanına barıp citü öçen wäqalätlelärneñ keşe xoquqların saqlawçı oyışmalarğa ireşü garantiyäse birüen taläp itäbez,”-dide Liz Grande.
Yämändä Berläşkän Ğaräp ämirlekläre yärdämendäge Kön’yaq kiçeş şurasınıñ Xizam Ämni berlekläre 4 kön däwam itkän bäreleşlär näticäsendä kiçä Adendağı Maaşik ilbaşı rezidenśyäse belän strategik däwlät oyışmaların qulğa töşerde.
Wäqalätle zatlar häm komandirlar Soğud Ğaräbstanınıñ bronetexnikası belän İlbaşı rezidenśiyäsennän kitte. Şähärneñ kontrole tulısınça Xisam Ämni köçläre qulına küçte.
Berläşkän Ğaräp ämirlekläre yärdämendäge Kön’yaq kiçeş şurası xäzerge waqıtta Soğud Ğaräbstanı başqalası Riyadta yäşäwçe Yämän ilbaşı Abdurabbi Mansur Xadi liderlığındağı qanunlı xökümätne bärep töşerergä teli. Şul säbäple, Xizam Ämni berämlekläre çärşämbedän birle Adenda xökümät köçläre beşän suğışa.
Yämändä 2011nçe yılda xalıq arasında baş kütärülär başlandı. Şunnan soñ Tön’yaq häm Kön’yaq Yämänne berläştergän 1990nçı yıldan alda bulğan separatist fikerlär qabat kön üzägenä çıqtı. “Kön’yaq xäräkäte” isemle separatist xäräkät barlıqqa kilde.
