Britiş Êyrweysnıñ oçışları ğamäldän çığarıldı

Angliyä hawa yulları şirkäte Britiş Êyrweysnıñ sanaq sistemasındağı xilaflıq arqasında Londondağı 100gä yaqın oçışı ğamäldän çığarıldı.

Xitrow aêroportınnan 81, Gêtviktan 10 reys quzğala almadı. Monnan tış, 200 oçış 5 säğat’kä soñardı.

Britiş Êyrweystan yasalğan belderüdä ğamäldän çığaru häm soñarularnıñ sistemadağı problemağa bäyle buluı raslandı. Şirkät yulçılardan ğafu ütende. Alar xilaflıqnıñ Awrupa oçışları belän çiklänüen äytsä dä, sośial’ çeltärdäğe yazmalarğa qarağanda, problema Yaponiyädän başlap Amerika Quşma Ştatlarına qadär dön’yaküläm masştabta bulğan.  

Şirkätneñ sanaq sistemasında yulçılarnı terkäw häm oçqıçlarnıñ quzğaluı belän bäyle bülemnärdä kürengän problemanıñ däwam itüen belderälär.