Tön’yaq Koreya 4nçe raketanı oçırtıp qaradı
Bu turıda Kön’yaq Koreya Ğomüm ştab rӓislege belderde
Tön’yaq Koreya 2 atnadan qısqa waqıt êçendӓ dürtençe raketanı oçırtıp qaradı.
Kön’yaq Koreya Ğomüm ştab rӓislege Tön’yaq Koreyaneň kon’yağındağı Xvangae vilayӓtennӓn Yapon diňgezenӓ taba qısqa radiuslı ike raketanıň ırğıtıluın citkerde.
Raketalar 450 çaqrımnan soň diňgezgӓ töşte.
Kön’yaq Koreyale xӓrbi rӓsmi zatlarnıň Amerika Quşma Ştatları belӓn xezmӓttӓşlek êçendӓ mӓs’ӓlӓgӓ qağılışlı texnik tikşerü alıp baruı belderelde.
Tön’yaq Koreya tışqı êşlӓr ministrlığı oçırtıp qarawlardan alda AQŞ belӓn Kön’yaq Koreyaneň urtaq xӓrbi künegülӓrne dӓwam itterüen tӓnqitlӓgӓn ide.
Yasalğan açıqlawda: “Bu künegülӓr yawlap alu repetiŝiyase bulıp tora. Bez dӓ üzebezne saqlar öçen kirӓkle nӓrsӓlӓrne başqarabız,” – dip ӓytelde.
Kön’yaq Koreya isӓ raketa oçırtıp qarawnı töbӓktӓ kiyerenkelekne azaytu tırışlıqlarına qarşı adım bularaq taswirladı.
