Gugl qabat êşkärtelgän matdälär qullana
2022nçe yıldan başlap şirkät tulısınça qabat êşkärtelgän matdälärgä küçä
Gugl, tabiğat’neñ pıçranuın kimetü maqsatınnan, êşlänmälären qabattan êşkärtelgän matdälärdän yasayaçağın belderde.
Amerika biznes jurnalı Fast Kampaninıñ xäbärenä qarağanda, şirkät 2022nçe yıldan barlıq tovarların şul yul belän citeşteräçäk. Ul ber cihazında qabat êşkärtelgän plastmassa qullana başladı inde. Monnan tış, Gugl Xoumnı citeşterü prośessında plastik şeşälär qullanıla.
Gugl üz êşlänmälären poçta aşa cibärü prośessın da “uglerod - neytral” xälgä kiteräçäk häm monı täêmin itü öçen taşuçı şirkätlär belän bergä êşläyäçäk. “Uglerod-neytral’”, ikençe törle äytkändä uglerod bülep çığarmıy torğan ısul qullanu proyektı qısalarında, 2020nçe yıldan başlap şirkätneñ barlıq tovarları şulay cibäreläçäk.
Gugl, monnan tış, AQŞta qullanılmağan üz cihazların qabat êşkärtep, älege êşlänmälärneñ tirä-yün’ moxitkä zarar birmiçä yañadan citeşterü prośessında qullanıluın täêmin itä.
