Yaponiyädä cir teträw

Yaponiyäneñ tön’yağında kiçä 6,3 zurlığında cir teträw buldı.

Amerika Quşma Ştatları geologik tikşerenülär üzäge teträwne cir öslegennän 38 yarım kilometr tiränlektä terkäde. Anıñ üzäge Naimä şähärennän 54 çaqrım yıraqlıqta.

Yaponiyä meteorologiyä agentlığı isä cir teträwneñ zurlığın 6,2, tiränlegen - 50 kilometr bularaq belderde. Anı Fukusima häm Miyagi töbäklärendä xis ittelär.

Cir teträwdän soñ śunami kisätüe yasalmadı.

Êlektr ênergiyäse şirkätläre, bulırğa mömkin xilaflıqlarğa qarşı, cirlektäge atom-töş reaktorların kontrol’ itkän.

Yaponiyädä 2011nçe yılnıñ 11nçe martında bulğan 9 zurlığındağı cir teträw häm şunnan soñ barlıqqa kilgän śunami Fukusima 1nçe atom-töş stanśiyäsendä radioaktiv sarquğa säbäp bulğan ide.