Tramptan Putinğa yärdäm täq’dime

Kreml’neñ matbuğat üzäge beldergänçä, Rusiya Federaśiyäse däwlät başlığı Vladimir Putin Amerika Quşma Ştatları ilbaşı Donal’d Tramp belän telefonnan söyläşte.

Söyläşüdä Seberdäge urman yanğınnarı turında süz bardı.

 Tramp Seberdäge urman yanğınnarın sünderü öçen yärdäm täq’dim itte.

Putin isä täq’dimgä räxmätlären citkerep, bu yärdäm täq’dimeneñ Rusiya – AQŞ arasında yañadan mönäsäbätlär urnaştırunı täêmin itäçägen assızıqladı.

Yaqlar ike yaqlı söyläşülärne däwam itterü qararına kilde.

Rusiya ğadättän tış xällär ministrlığı beldergänçä, Seber töbäge häm könçığışında uzğan atnadan birle däwam itüçe yanğında 3 million gektardan artıq urman kölgä äylände. Yanğınnan çıqqan töten 20 töbäkkä cäyelde. 500dän artıq toraq punkt zıyan kürde.

Rusiyäneñ 5 töbägendä ğadättän tış xäl iğ’lan itelde.