AQŞta neft' zavodında yanğın

AQŞnıñ Texas ştatında neft’ şirkäte ÊksonMobilneñ zavodında çıqqan yanğında zıyan kürgän 66 keşene xastaxanägä ilttelär.  

CNN xäbärenä qarağanda, neft’ êşkärtü zavodında başta şartlaw bula, şunnan soñ ut çığa.

Wäqalätle zatlar beldergänçä, zıyan kürüçelärneñ tormışına qurqınıç yanamıy. Alar, kiräkle çaralar kürelgännän soñ, xastaxanädän çığarılğan.  

Ağulı gazlarnıñ hawağa êlägü mömkinlege arqasında töbäktä yäşäwçelärne imin urınnarda qalırğa çaqırğannar ide. Şähär wäkilläre, sośial’ media aşa belderü yasap, borçılırlıq pıçranu raslanmawın häm kisätüneñ ğamäldän çığarıluın belderde.