İzrail poliśiyäse 4 yäş'lek malaynı soraw alırğa çaqıra

İzrail poliśiyäse basıp alınğan Könçığış Qudüstä tärtip saqçılarına taş atuın säbäp itep 4 yäş’lek Möxämmät İläyyannı ätise belän bergä soraw alırğa çaqıra.

Bügen alar iminlek bülekçäsenä kitkän. Bu waqıyğa belän jurnalistlar bik nıq qızıqsınğaç, poliśiyä balanıñ soraw aluğa çaqırılmawın söyli başlıy. Möxämmätneñ ätise Rabii İläyyan isä räsmi forma kigän xezmätkärneñ kiçä kiç belderü qäğaze kiterüen äytä.

İzrail poliśiyäse äti keşegä ulın tärtip saqçılarına qabat taş atmasın öçen kisätergä çaqırıp notıq söyli. 4 yäş’lek malay bu waqıtta yalğızı uramda kötep tora.      

Rabii İläyyan ulınıñ polişiyägä taş atmawın söyli. Ul, kiresençä, mäxällälärendä İzrail poliśiyäseneñ keşe xoquqların, şul isäptän balalarnıqın da, sanğa suqmawın belderä. Äti keşe 4 yäş’lek ulınıñ soraw aluğa çaqırıluınıñ fälästinle balalarğa qarata naqadär räximsezlek kürsätelüneñ ber misalı buluın äytä.