Ğıyraqta DEAŞ höcüme
Bu 2017nçe yıldan birle täwge tapqır şundıy höcüm
1244029
Ğıyraqnıñ Söläymaniyä şähärendä ike neft’ skvajinasına DEAŞ terrorçı oyışması tarafınnan höcüm yasaldı. Bu xaqta ilneñ armiyäsenä bäyle Sälaxetdin operaśiyälär komandalığınnan kapitan Saad Möxämmät belderde.
Terrorçılar skvajinağa ciñel qorallar belän höcüm itä. Poliśiyä alarğa qarşılıq kürsätä häm ênergetika mäydannarına kerüenä yul quymıy.
Cirlektä iminlek çaraları arttırıluın belderälär. Höcüm waqıtında iminlek köçläre yağınnan ülüçe yäisä yaralanuıçı yuq.
2017nçe yılnıñ dekabrendä DEAŞnıñ ildä tar-mar itelüe belderelgän ide. Şunnan soñ täwge tapqır mondıy höcüm buluı iğ’tibarnı cälep itte.
Ğıyraqnıñ könbatışındağı Änbar şähärendä isä DEAŞnıñ ike üzäge hawa xäräkätendä bombalandı. Anda 4 terrorçı täêsirsez xälgä kiterelde.
