Sibsine soñğı yulğa ozatu
93 yäş’lek lidernı soñğı yulğa ozatırğa çit illärdän dä bik küp räsmi zat kilde
Xastaxanägä däwalanırğa kergän cirennän wafat bulğan Tunis däwlät başlığı Baci Kaid äs-Sibsineñ cenazası Karfagen Sarayında uzdı. 93 yäş’lek lidernı soñğı yulğa ozatırğa çit illärdän dä bik küp räsmi zat kilde.
İlneñ waqıtlıça däwlät başlığı Möxämmät än-Nasır: “Sibsi demokratiyäneñ nigeze ide, ilne totrıqlılıqqa iltte häm 2011nçe yılda täwge demokratik saylawlar uzdırdı,”-dide.
Cenazada qatnaşqan Fälästin ilbaşı Mäxmüt Abbas isä Sibsineñ ülemeneñ İslam häm Ğaräp dön’yası öçen zur yuğaltu buluın bilgeläp ütte.
Tunis däwlät başlığı belän xuşlaşırğa Törkiyädän ilbaşı kiñäşçese Fuat Oktay bardı. Anda, şulay uq, Katar ämire Şäyex Tämim bin Xamäd Al Sani, Franśiyä ilbaşı Êmmanuêl’ Makron, İspaniyä patşası Filipp 6nçı, Portugaliyä däwlät başlığı Marselo Rebelo de Souza, Mal’ta ilbaşı Djordj Vella häm başqa räsmi zatlar qatnaştı.
Bäyläneşle xäbärlär
"İzrailgä qoral satmağız"
Djozef Borrell İzrailneñ qulında qoral bulmasa ğına bombalawdan tuqtayaçağın belderde
İpi êçennän tıçqan qaldıqları çıqtı
Yaponiyada ber ikmäk peşerü şirkäteneñ tovarların kibetlärdän kire cıyalar