Cir şuışu faciğasında ülüçelär sanı artqan

 Qıtay üzäk televideniyese beldergänçä, Qıtaynıñ könyaq-könbatışında küzätelgän 2 cir şuışu oçrağında ülüçelär sanı 16ğa citkän.

Tabiği afättä 21 öy balçıq astında qalğan ,11 keşe xastaxanägä salınğan.

Balçıq astında qaluı uylanılğan 30 keşe äle haman da tabılmağan, 800 keşelek törkem êzlaw-qotqaru êşçänleklären däwam itterä.

Cir şuışularğa köçle  yawım - töşemnär säbäpçe buluı belderelä.