Ğazzädä su krizisı

Fälästin xökümäte räise Möxämmät İştiyyä İzrail basıp aluı astındağı Ğazzädä su krizisınıñ xätär däräcägä citüen söyläde.

Angliyäneñ xalıqara qalqınu agentlığı yärdäme belän Ğazzädä yaqınça 12 million dollarlıq tozlı su çistartu ob’yektı qorılaçaq. Möxämmät İştiyyä älege tözeleşne başlaw öçen imza tantanasında çığış yasadı.  

Ul İzrail basıp aluı astındağı Ğazzadäge su krizisına iğ’tibarnı cälep itte.

“Ğazzädäge qullanılırğa mömkin sunıñ sıyfatı bik xätär däräcägä citte. Tozlı sunı çistartu öçen mondıy ber ob’yektnıñ tözelüe bik ähämiyätle. Bu fälästinlelärgä zur yärdäm bulaçaq häm alarnıñ qıyınlıqların ciñeläytäçäk,”- di Fälästin xökümäte räise.

Fälästin su idaräse räise Yasir äş-Şanti tağın êlegräk yasağan belderülärendä Ğazzädä cirle xakimiyätlärneñ kontrolendä bulğan qoyılardağı sunıñ 99 %ınıñ Bötendön’ya sälamätlek saqlaw oyışması bilgelägän standartlarğa turı kilmäwen belderde. Su pıçraqlılığınıñ säbäbeneñ yuğarı däräcädä xlor, nitrat qatnaşuı belän bäyle buluı açıqlanğan. Kiräkle çaralar kürelmägän oçraqta Ğazzädä cir astı suları resursı 2020nçe yılda betäçäk.